گلگت بلتستان اچ امن و استحکام اے، سوشل میڈیا تے گمراہ کن بیانیہ اتے نقلی خبراں دے ریکارڈ کوں درست کرݨ دی لوڑھ اے ، مرتضیٰ سولنگی

اسلام آباد۔3ستمبر(اے پی پی) نگران وفاقی وزیر اطلاعات و نشریات مرتضیٰ سولنگی آکھیے گلگت بلتستان اچ امن تے استحکام اے، سکول، کالج، بازار اتے سڑکاں کلھیاں پئن ، صورتحال پرامن اے۔ اتوار کوں آپݨے ھک ٹویٹ اچ انہاں سوشل میڈیا تے گمراہ کرݨ آلے بیانے تے نقلی خبراں دے ریکارڈ کوں درست کرݨ دی لوڑھ تے زور ݙیندے ہوئیں آکھیے گلگت بلتستان اچ امن و استحکام اے، سکول، کالج، بازار اتے سڑکاں کھلیاں پئن جیڑھیاں معمول دے احساس دا اظہار کریندیاں پئن ۔ انہاں آکھیے کجھ اوقات مذہبی اتے فرقہ وارانہ خدشے دے رد عمل اچ پرامن احتجاج تھیندے لیکن صورتحال مکمل طور تےپرامن اے، اتھاں فوج دی کوئی تعیناتی نی تھئی ۔ انہاں آکھیے پاکستان آرمی آندے ہفتے حضرت امام حسینؓ دے چلیسویں دے موقع تے کمیونٹی دے تحفظ سانڳے تیاراے۔ نگران وفاقی وزیر اطلاعات گلگت بلتستان اچ بدامنی دیاں خبراں کوں بے بنیاد قرار ݙیندے ہوئیں آکھیے جو کوئی گولی نی چلی ، سرکاری اتے نجی املاک کوں کوئی ضیان نی پڄا ، احتجاج مقامی مسئلیں تے ھک فطری سیاسی جمہوری ردعمل اے جیں دا گلگت بلتستان اچ پرامن طریقے نال انتظام کیتا ڳئے ، گلگت بلتستان امن اتے ہم آہنگی دی جنت اے۔

مضمون کا ماخذ : ماہی گیری کا جنون

متعلقہ مضامین