حکومت دا ملک اچ ہنگامی بنیاداں تے زرعی اصلاحات دے نفاذ دا فیصلہ، کساناں کوں غیر معیاری ٻڄ اتے پیسٹی سائیڈ ویچݨ آلی کمپنیاں دا سدباب کیتا ویسی، وزیراعظم شہباز شریف

اسلام آباد۔18اگست (اے پی پی) حکومت دا ملک اچ ہنگامی بنیاداں تے زرعی اصلاحات دے نفاذ دا فیصلہ اتے وزیراعظم محمد شہباز شریف آکھیا جو کساناں کوں غیر معیاری ٻڄ اتے پیسٹی سائیڈ ویچݨ آلی کمپنیاں دا سدباب کیتا ویسی۔ کساناں کوں زراعت دے بین الاقوامی سطح تے رائڄ جدید طریقہ اکر نال سںڄاݨ کراوݨ کیتے جامع آگاہی مہم چلائی ویسی۔ خمیس کوں وزیراعظم آفس دے میڈیاونگ توں جاری بیان موجب وزیراعظم شہباز شریف دی صدارت اچ ملک اچ زرعی اصلاحات تے اعلیٰ سطحی اجلاس تھیا۔ اجلاس اچ وفاقی وزرا طارق بشیر چیمہ، احسن اقبال، مریم اورنگزیب، مفتاح اسماعیل، معاونینِ خصوصی احد چیمہ، محمد جہانزیب خان جڈانجو سارے صوبیاں دے سیکرٹریز زراعت وڈیو لنک دے ذریعے اجلاس اچ شرکت کیتی۔ اجلاس اچ زرعی اصلاحات کیتے مختلف شعبیاں دی اٹھ سب کمیٹیاں دی وزیراعظم کوں سفارشات پیش کیتی ڳئی۔ انہاں سفارشات اچ قلیل، وسط اتے طویل المدتی جامع منصوبہ بندی شامل اے۔ اجلاس توں خطاب کریندیں ہوئیں وزیراعظم آکھیا جو کساناں کوں غیر معیاری ٻڄ اتے پیسٹی سائیڈ ویچݨ آلی کمپنیاں دا سدباب کیتا ویسی۔ وزیرِ اعظم ہدایت کیتی جو ساری متعلقہ وزارتاں کوں انہاں سفارشات اچوں آندی فصل کیتے ہنگامی بنیاداں تے زرعی اصلاحات جاری کر ݙیون۔

مضمون کا ماخذ : سپرمین: فلم

متعلقہ مضامین