اقوام متحدہ۔5اکتوبر(اے پی پی):پاکستان آکھیے اوں صنفی مساوات دے ودھارے تے تریمتاں کوں بااختیار بݨاوݨ سانڳے قانونی اتے پالیسی اقدامات کیتن کیوں جو اے اقدامات پائیدار ترقیاتی اہداف(ایس ڈی جیز) دے حصول سانڳے ٻہوں اہمیت رکھیندن۔ اقوام متحدہ اچ پاکستان دے مستقل مندوب منیر اکرم اقوام متحدہ اچ جنرل اسمبلی دی سماجی، انسانی اتے ثقافتی امور متعلق تھرڈ کمیٹی اچ آکھیے تریمتاں تے چھوہریں کوں حقوق ݙتے بغیراساں ترقیاتی اہداف نہ گھن سڳسوں ۔ لیکن ایندے نال انہاں آکھیے کورونا وائرس دی وبا اتے گزریل سال آوݨ آلی چھل پاروں مالیات، ایندھن اتے خوراک دے بحران ایس ڈی جیز تے تریمتاں ، چھوہریں دے حقوق اچ پیش رفت گھنݨ اچ پیش آندے چیلنج کوں مزید ودھا ݙتےانہاں’’تریمتاں دی ترقی‘‘دے موضوع تے ھک مباحثےاچ ڳالھ مہاڑ کریندے ہوئیں آکھیے جو دیہاتی تریمتاں کوں خاص طور تے چیلنج دا سامݨا اے، ایں ڳالھ دا ذکر کریندے ہوئیں پاکستان اچ 50 توں 80 فیصد دیہاتی تریمتاں زرعی اجناس دی پیداوار اچ حصہ گھندن جݙاں جو دیہاتی علاقیں اچ 70 فیصد مال ڈھور دی ݙیکھ بھال دا انتظام وی تریمتاں ہی کریندن ۔ انہاں نشاندہی کیتی جو بین الاقوامی برادری صنفی مساوات اتے تریمتاں دی تعلیم، کم، سیاسی نمائندگی دے نال نال گھراݨیں ، برادریاں تے قومی زندگی اچ شرکت دے حقوق کوں ودھاوݨ تے یقینی بݨاوݨ سانڳے واضح اصول طے کیتن ۔
.jpg)
