بی آئی ایس پی پروگرام دا مقصدمعاشرے دے کمزور طبقے کوں آپݨے پیراں تے کھڑا کرݨ تے کارآمد شہری بݨاوݨ اے، وزیراعظم محمد شہباز شریف

Prime Minister Muhammad Shehbaz Sharif addressing the launching ceremony of Benazir Social Protection Account. Islamabad,7th of July, 2023.

اسلام آباد۔7جولائی (اے پی پی):وزیراعظم محمد شہباز شریف بینظیرانکم سپورٹ پروگرام دادائرہ کارودھاوݨ دی لوڑھ تے زور ݙیندے ہوئیں آکھیے جو ایں پروگرام دا مقصدمعاشرے دے کمزور طبقے تے لوکاں کوں آپݨے پیراں تے کھڑا کرݨ تے کارآمد شہری بݨاوݨ اے ۔ اے ڳالھ انہاں بینظیر انکم سپورٹ پروگرام دے تحت سماجی تحفظ اکاونٹ دے اجرا دی تقریب توں خطاب کریندے ہوئیں آکھی اے ۔ تقریب اچ وفاقی وزیراطلاعات و نشریات مریم اورنگ زیب، وفاقی وزیر تخفیف غربت و سماجی تحفظ شازیہ مری ، وزیر مملکت فیصل کریم کنڈی، وزیراعظم دے معاونین دے علاوہ غیر ملکی سفرا ، سماجی تنظیماں دے نمائندیں تے سرکاری افسران دی وݙی تعداد موجود ہئی۔ وزیراعظم آکھیے بی آئی ایس پی کوں شازیہ مری اتے انہاں دی ٹیم جیویں چلائے قابل اطمینان اتے قابل ستائش اے۔ ایں پروگرام اچ ٻہوں ساریاں نویاں چیزاں رلائیاں ڳئن ، اینکوں مزید شفاف بݨایا ڳئے تے توسیع ݙتی ڳئی اے ۔ ایں پروگرام کوں حکومت دا پورا تعاون حاصل ہئی ۔ وزیراعظم آکھیے گزریل سال پاکستان اچ تباہ کن سیلاب آیا جیں دے بعد مخلوط حکومت دے سارے قائدین متاثرہ علاقیں اچ پڄے ۔ ہرپاسے تباہی نظر آ ندی پئی ہئی ۔ جنہاں اوکھے حالات اچ اساں حکومت دی بھج دھرک سنبھالی ہئی ، اساکوں سیلاب دی صورت اچ ھک ٻئی وݙی اوکھ دا سامݨا کرݨا پیا ، ملک دے چارے صوبیں اچ سودھے ٻہوں وݙا حصہ چھل اچ ٻڈیا ہویا ہئی تے 3 کروڑ 30 لکھ لوک متاثر تھئے بی آئی ایس پی دے تحت 70 ارب روپے متاثرین اچ انتہائی شفاف طریقے نال ونڈیے ڳئے ۔

مضمون کا ماخذ : ٹمپل ٹمبل

متعلقہ مضامین