اسلام آباد ۔ 18 مارچ (اے پی پی) وزیر خارجہ شاہ محمود قریشی دورہ چین توں واپسی دے بعد سیلف آئسولیشن دا فیصلہ کیتے ۔بدھ کوں اپنڑے ہک بیان اچ وزیر خارجہ آکھیے جو کورونا دا ٹیسٹ کرویساں، ماہرین 5ڈینھ بعد کورونا ٹیسٹ دا مشورہ ڈتے جڈاں جو گھر آلے میں توں انجھ ہن ،خود وی نی چاہندا جو بالا کوں ملاں ، کورونا متعلق احتیاط کرنڑیں چاہیدی اے ،چین دی قیادت آکھیے جو آزمائش دا ویلھا اے ، وزیر خارجہ شاہ محمود قریشی آکھیے جو دنیا چین تے الزام لیندی پئی اے ، چین توں طلباءنہ سڈنڑ چینی حکومت تے پاکستان دے اعتماد دا مظہر ہئی۔ چینی صدراکھیندن جو پاکستان دا احسان کڈاہیں نہ بھلسوں ۔انہاں آکھیے جو چین ونجنڑ دا مقصد اظہار یکجیتی ہئی ۔انہاں آکھیے جو ایران تاں زائرین گھرواپس آونڑاں ہئی ،سرحد تے کرونا توں بچاونڑ دے انتظامات مزید بہتر ہوونڑیں چاہیدے ہن ۔ زائرین دی واپسی دا فیصلہ بہوں اوکھا ہئی ۔سعودی عرب 72 گھنٹے دی پابندی تاں لاڈتی ۔ سعودی عرب نال عمرہ زائرین دے معاملے تے گال تھئی اے ۔ عمرہ زائرین دی وقفے نال واپسی دی درخواست کیتی ،اساکوں احتیاطی تدبیر اچ تعاون کرنڑاں اے ۔ شاہ محمود قریشی آکھیے جو کورونا دے مسئلے تے قوم کوں کٹھا کرنڑاں اے،کورونا دا مقابلہ کوئی کلہیں نی کر سگدا، کورونا دے خلاف ساریں کوں رل تے کم کرنڑاں ہوسی ۔ شاہ محمود آکھیے جو ووہان اچ گزریل ڈینھ صرف ہک کیس رپورٹ تھئے ۔پورے لاک ڈاﺅن نال معیشت تے جیرھا اثر پوسی اینکوں وی ڈیکھنڑاں اے ۔ اساکوں متوازن ماحول قائم کرنڑاں اے ۔کرونا کنٹرول کیتے وزیراعظم نیشنل کوآرڈینیشن کمیٹی بنڑائی اے ۔
.jpg)
