سعودی وفد دے دورے دے نتیجے اچ پاکستان اچ ارباں ڈالر دی سرمایہ کاری تھیسی،وزیر اعظم شہباز شریف دا کابینہ اجلاس توں خطاب
APP39-260423
ISLAMABAD: April 26 - Prime Minister Muhammad Shehbaz Sharif chairs a meeting of the heads of coalition parties at PM House.APP/ABB
اسلام آباد۔17اپریل (اے پی پی):وزیرِ اعظم محمد شہباز شریف آکھیے جو سعودی وفد دے دورے دے نتیجے اچ پاکستان اچ ارباں ڈالر دی سرمایہ کاری تھیسی۔ اساکوں ایویں محنت نال ایں سرمایہ کاری دی پاکستان اچ آمد تے منصوبے توڑ پڄاوݨے ہن ۔ میکوں پورا یقین اے جو جے ایویں محنت کریندے رہیو سے تاں پاکستان دی ترقی تے خوشحالی تے معاشی استحکام دے ہدف وختی گھن گھنسوں ۔وزیر اعظم آفس دے پریس ونگ توں جاری بیان موجب اے ڳالھ وزیر اعظم محمد شہباز شریف بدھ کوں کابینہ دے اجلاس توں خطاب اچ آکھی اے ۔ وزیرِ اعظم کابینہ کوں عید الفطر دی مبارخ ݙتی تے رمضان المبارک دی برکتاں دے طفیل پاکستان سانڳے ترقی و خوشحالی دی دعا کیتی۔ وزیر اعظم آکھیے سعودی ولی عہد عزت مآب شہزادہ محمد بن سلمان دےشکر گزار ہیسے جو میݙے اڄوکے دورے دے بعد انہاں دی خصوصی دلچسپی دے تحت سعودی وفد پاکستان دا دورہ کیتا ۔وزیرِاعظم وفاقی کابینہ اتے متعلقہ حکام دی سعودی وفد دے کامیاب دورے سانڳے کوششاں دی تعریف کیتی ۔ انہاں آکھیے جو جسعودی وفد پاکستانی وزرا اتے حکام دی تیاری توں متاثر تھئے تے سعودی وزیرِ خارجہ عزت مآب شہزادہ فیصل بن فرحان آلسعود ایں امید دا برملا اظہار کیتے۔وزیراعظم آکھیے سعودی وفد دے دورے دے نتیجے اچ پاکستان اچ ارباں ڈالر دی سرمایہ کاری تھیسی ۔ انہاں آکھیے پراݨے طریقہ کار تے چلݨ دی گنجائش کائنی تے نہ میں ایندی اجازت ݙیساں ۔ وزیر اعظم آکھیے اساں عوام نال کیتے ڳئے عہد موجب پاکستان دی ترقی و خوشحالی سانڳے ݙینھ رات محنت کریسوں تے میکوں پورا یقین اے جے اساں ایویں محنت کریندے رہیوسے تاں پاکستان دی ترقی تے خوشحالی اتے معاشی استحکام دے اہداف وختی گھن گھنسوں ۔
