سپریم کورٹ پاکستان ریلوے کوں لائف لائن قرار ݙتے، ایں تے اساں آپݨا مناسب جواب جمع کرویسوں ، خواجہ سعد رفیق

لاہور۔10جنوری(اے پی پی) وفاقی وزیر ریلوے خواجہ سعد رفیق آکھیے جو سپریم کورٹ پاکستان ریلوے کوں لائف لائن قرار ݙتے ، ایں تے اساں سپریم کورٹ اچ آپݨا مناسب جواب جمع کرویسوں ۔ منڳل دے ݙینھ احتساب عدالت پیشی دے بعد میڈیا نال ڳالھ مہاڑ کریندے ہوئیں خواجہ سعد رفیق آکھیے اساں کنے ریلوے دی جاہ موجود اے ،ایں کوں مناسب استعمال کرݨ دی لوڑھ اے جیں دے نتیجے اچ اساں آپݨے خرچے کڈھ سڳدوں ۔ وفاقی وزیر ریلوے آکھیے جو ریلوے کوں ریاستی اداریں اتے عدلیہ دا ساتھ رل وںڄے تاں اساں کامیاب تھیسیوں ،اساں سارے کم کرݨ دی کوشش کریندے پیوں ۔ انہاں آکھیے وفاق کھلا رل تے ملک اچ عدم استحکام نی گھن آسڳدا ،صوبائی حکومتاں کوں چاہیدے جو پورے ملک اچ رل تے استحکام گھن آوݨ اچ مدد کرن ۔ ھک سوال تے وفاقی وزیرآکھیے سیاست توں مائنس کوئی وی نی تھی سڳدا ، بھٹو کوں قبر اچ لہا ݙتا ڳیا مگر او اڄ تئیں مائنس نی تھی سڳیا ۔انہاں آکھیے پی ڈی ایم دی حکومت اچ ساریں توں وڈی کامیابی اے ہے جو اوں ملک کوں ڈیفالٹ تھیوݨ توں بچائے، جیں کنارے تے عمران خان ملک چھوڑ ڳئے ہن جے اساں حکومت نہ سنبھلیندے تاں ملک اچ تباہی آوݨی ہئی ۔

مضمون کا ماخذ : فنکی پھل

متعلقہ مضامین