آپݨی زمین کوں کہیں دے خلاف استعمال کائنا تھیوݨ ݙیسوں، وفاقی وزیر داخلہ شیخ رشید احمد دا راولپنڈی اچ خطاب

راولپنڈی۔10جولائی (اے پی پی) وفاقی وزیر داخلہ شیخ رشید احمد آکھیا جو آپݨی زمین کوں کہیں دے خلاف استعمال کائنا تھیوݨ ݙیسوں، افغانستان اچ امن چاہندوں، نہ اساں آپݨی زمین افغانستان دے خلاف استعمال تھیوݨ ݙیسوں اتے نہ توقع رکھیندوں جو اساݙے خلاف کہیں دی سرزمین استعمال تھیوے، انڈر 19 ٹیم ہک واری نی ترائے واری وی امریکہ ونڄے تاں کوئی فرق نی پوندا، عمران خان پنڄ ????ل پورے کریسن۔ کشمیر دا کیس عمران خان اقوام متحدہ سودھے پوری دنیا اچ چاتے۔ اے ڳالھیں انہاں آزاد کشمیر انتخابی مہم بارے ہفتے کوں راولپنڈٰی اچ ٹیپو روڈ تے ہک جلسے نال خطاب کریندیں ہوئیں آکھی۔ وفاقی وزیر داخلہ شیخ رشید احمد آکھیا جو افغانستان دے لوک جیڑھا فیصلہ کریسن او ساکوں قبول ہوسی۔ آرمی چیف خؤد امن سانڳے کم کریندے پئن۔